Ylli i Chelseat është shumë i kënaqur me trajnerin italian. Maurizio Sarri nuk është njeriu më i dashur nga tifozët e Chelseat, të cilët nga ndeshja në ndeshje kërkojnë që ai të shkarkohet.
Megjithatë në krah të trajnerit italian, ka dalë edhe njëherë Eden Hazard i cili thotë se është shumë i kënaqur me atë që Sarri po bën te “blutë” dhe se të dy kanë të njëjtat ide për futbollin.
“Kuptohemi shumë lehtë me njëri-tjetrin. Statistikisht ky është sezoni im më i mirë dhe kjo është meritë e Sarrit, me të cilin kemi të njëjtën filozofi për futbollin”, deklaroi Hazard.
“Mendoj se ai është një menaxher fantastik. Pas largimit të Contes nuk ishte e lehtë, pasi Sarri erdhi me idetë e tij dhe po bën një punë shumë të mirë”.
“Nuk është e thjesht të luajë futbollin që ai kërkon, por ne kemi filluar ta kuptojmë”.
“Po punojmë shumë, pasi Sarri është krejt ndryshe nga Conte dhe Mourinho”, theksoi belgu.
