Bayern Munich mund të luajë pa kolumbianin në ndeshjen me Werder Bremen.
James Rodriguez është dëmtuar në seancën stërvitore të së enjtes. Trajneri Niko Kovac: “Ai ka një problem të vogël në kofshë, prandaj e ka përfunduar para kohe stërvitjen.”
Pjesëmarrja e James për ndeshjen e së shtunës është në dyshim. Së fundmi, James ka qenë titullar në dy ndeshjet e fundit të kampionatit.
Ai ka treguar një formë të mirë, duke shënuar katër gola në tre ndeshjet e fundit.
Një tjetër lojtar që është në dyshim për ndeshjen e radhës është Mats Hummels, por Kovac të bën të kuptosh se nuk do të rrezikojë me qendërmbrojtësin.