Juventus ka zbuluar në këtë fazë të fundit të sezonit talentin Moise Kean, i cili po kalon një moment të jashtëzakonshëm.
Kontrata e lojtarit të datëlindjes 2000 skadon në qershorin e vitit 2021 dhe për këtë arsye klubi ka filluar punën për rinovimin. Sipas "La Stampa", drejtori sportiv i bardhezinjve, Fabio Paratici, do të takohet javën e ardhshme me Kean dhe menaxherin e tij, Mino Raiola.
Juventus do t'i propozojë yllit të ri një rritje rroge nga 500 mijë në 3 milionë euro në sezon, ndërsa do t'i paguajë Raiola-s një komision me vlerë 3.5 milionë euro.