Ish-sulmuesi brazilian i Vasco de Gama, Valdiram Caetano de Morais, është gjetur i vdekur në rrugët e Sao Paulo.
Valdiram, i cili ka luajtur pak me legjendën, Romario, ishte person problematik, pasi u përfshi në trafikimin e lëndëve narkotike dhe të alkoolit.
36 vjeçari nuk kishte një vendbanim fiks dhe shpesh ishte i përfshirë në miqësi të keqe, por mbrëmja e kësaj të diele ka qenë fatale për Morais.
Sipas autoriteteve, ish-futbollisti kishte shenja dhune në trup, gjë e cila tregon se 36-vjeçari është vrarë.
Lidhur me ngjarjen policia ka arrestuar tre persona, të cilët dyshohen si autorët e vrasjes së ish-futbollistit.
Valdiram Caetano de Morais ishte papunë dhe i pastrehë, klubi Vasco de Gama vendosi ta ndihmonte dhe në 2018 atij i pagoi një periudhë rehabilitimi në një klinikë në San Paolo.
Ai qëndroi atje për të paktën 6 muaj, deri kur u shpall i humbur dhe më pas u gjet i vrarë.
