FC Bayern Munich ka bërë një ofertë për Federico Cheisa-n. Sipas Corriere dello Sport, bavarezët i kanë ofruar 70 milionë euro Fiorentina-s gjatë pasdites së martë.
Sulmuesi 21-vjeçar është lojtari i duhur për gjermanët, pasi vetë drejtuesit kanë shprehur nevojën për blerjen e një sulmuesi anësor të shpejtë dhe të rrezikshëm.
Bayern është gati të bëjë shpenzime të mëdha në merkaton e verës dhe 70 milionë euro për një italian të ri dhe të talentuar do të ishte një investim me mend.
Lojtari i preferuar i kampionëve rekord të Gjermanisë Callum Hudson-Odoi ka pësuar një dëmtim gjatë ndeshjes të së hënës ndaj Burnley-t kështu që Bayern po sheh për alternativa.
