Fitore të mëdha për Shkupin dhe Renovën! Zhgënjen Shkëndija

Futboll

Fitore të mëdha për Shkupin dhe Renovën! Zhgënjen Shkëndija

Më: 24 prill 2019 Në ora: 19:31
Shkupi

Ekipi shqiptar Shkupi ka vazhduar me serinë e fitoreve edhe në javën e 30-të të Kampionatit të Maqedonisë Veriore në futboll. Kësaj radhe ka mundur Akademija Pandevin me rezultat minimal 1:0, katër minuta para fundit me autor Besar Isenin. Në pjesën e parë dy ekipet luajtën të rezervuara me lojë taktike, por Shkupi pati rastet më konkrete.

Braziliani Sergio që në minutën e 10-t, u kanos drejt portës së Çubrakoviqit, por topi kaloi vetëm, skaj shtyllës. Në minutën e 17-të, ishte Muharemi që tentoi të shënon, por goditja e tij u bllokua nga mbrojtësit, ndërsa Sergio dhe Broja në një sulm tentuan me goditje që i bllokuan mbrojtësit e Pandevit. Në pjesën e parë Shkupi filloi me aksione edhe më të organizuara, ndërsa tentimi i parë ishte përsëri i Sergios, por që shkoi mbi portë.

Bajrami tentoi në minutën e 55-të, por goditja e tij u ndal në një nga futbollistët e mbrojtjes mysafire. Në minutën e 61-të Sergio goditi skaj porte, ndërsa në të 55-t, afër golit ishte kapiteni Bajrami, që nga një distancë prej 30 metrash rrezikoi portën mysafire. Disa gjysmë raste kishin Ustabashi dhe Veliu që trajneri Karan i futi në lojë si zëvendësues të Angelovit dhe Muaremit, por pa rrezikuar portierin Çubrakoviq.

Dhe kur pritej fundi, Veliu asistoi për Isenin, i cili nga distanca befasoi Çubrakoviqin për golin e epërsisë që doli të jetë edhe i fitores. Me këtë fitore Shkupi mbetet në pozitën e katërt me 42 pikë, pesë më pak se Akademija Pandev e treta. Ndeshjen e radhës Shkupi e luan të shtunën në Tetovë ndaj Shkëndijës. Renova nga Xhepçishti i Tetovës triumfoi me rezultat 1:0 kundër Sileksit nga Kratova. Autor i golit të fitores është Bojan Miovski në minutën e 5-të. Ndërkaq, Shkëndija nga Tetova, kampion në fuqi dhe lider në renditje, zhgënjeu. Ata si mysafirë munden me rezultat 2:1 nga Bellasica e Strumicës. 
Liga e Maqedonisë Veriore
Bellasica-Shkëndija    2:1
Makedonija GP-Vardari    0:2
Rabotniçki-Pobeda    1:2
Renova-Sileksi    1:0
Shkupi-A. Pandev    1:0
Tabela
1. Shkëndija    30    20    6    4    66
2. Vardar    30    16    9    5    57
3. A. Pandev    29    14    5    10    47
4. Shkupi    30    12    6    12    42
5. Renova    30    10    9    11    39
6. Rabotniçki    30    11    6    13    39
7. Makedonija GP    30    8    11    11    35
8. Sileksi    30    7    10    13    31
9. Bellasica    30    7    9    14    30
10. Pobeda    29    6    5    18    23
Në javën e ardhshme: Akademija Pandev-Rabotniçki, Makedonija GP-Renova, Pobeda-Sileksi, Shkëndija-Shkupi dhe Vardari-Bellasica.

Sot mund të lexoni Shfletoni kopertinat