Atalanta kalon Fiorentinën për finalen e Kupës së Italisë, përballë do të ketë Lazion - Bota Sot
Atalanta kalon Fiorentinën për finalen e Kupës së Italisë, përballë do të ketë Lazion

Futboll

Atalanta kalon Fiorentinën për finalen e Kupës së Italisë, përballë do të ketë Lazion

Më: 25 prill 2019 Në ora: 22:58
Atalanta

Skaudra e Atalantas është skuadra e dytë që ka siguruar biletën për finalen e Kupës së Italisë.

Në dy ndeshje spektakolare të zhvilluara kundër Fiorentinës, në fund ishte Atalanta që arriti të merrte biletën për finalen.

Në ndeshjen e luajtur sot, skuadra vendase arriti të mposhte ‘violan’ me rezultatin 2:1, në një ndeshje tejet interesante.

Rezultati u zhbllokua qysh në minutën e tretë nga mysafirët, të cilët tundën rrjetën me anë të Luis Muriel.

Rezultati u barazua qysh në minutën e 14’, kur Josip Ilicic shënoi nga pika e bardhë e penalltisë, për të vendosur rezultatin e pjesës së parë.

Finalen për Atalantan e siguroi Papu Gomez, i cili në minutën e 69’ shënoi golin e vlefshëm dhe atë që vendosi rezultatin përfundimtar.

Në finale, skuadra  e Atalantas do të ketë përballë skuadrën nga kryeqyteti, Lazio, për një ndeshje që gjithashtu pritet të dhurojë spektakël.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...