Reali ndalet nga Getafe, Sevilla me “5 yje”, Villareali merr fitore shprese - Bota Sot
Reali ndalet nga Getafe, Sevilla me “5 yje”, Villareali merr fitore shprese

Futboll

Reali ndalet nga Getafe, Sevilla me “5 yje”, Villareali merr fitore shprese

Më: 25 prill 2019 Në ora: 23:41
Real vs Getafe

Reali i Madridit nuk shkoi më shumë se një barazim pa gola, në sfidën e zhvilluar në transfertë përballë Getafes.

Të besuarit e Zidane dominuan në kontrollin e topit dhe lojës, por vendasit patën rastet më të mira për shënim, pasi zbrisnin shpesh në kundërsulme të shpejta.

Pas këtij rezultati, Reali mbetet në vendin e tretë, thuajse i sigurt në zonën Champions, ndërsa Getafe dhe Sevilla do të luftojnë për vendin e katërt.

Andaluzianët mposhtën po sot Rayo Vallecanon, me rezultatin e thellë 5-0. Promes, El Haddadi dy herë, Ben Yadder dhe Gil, shënuan për Sevillan, të gjithë në pjesën e dytë.

Sfida tjetër nga kampionati spanjoll, ishte ajo mes Real Sociedadit dhe Villarealit, që u fitua me rezultatin minimal 0-1 nga këta të fundit, që hodhën një hap drejt sigurimit të mbijetesës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...