I ekzaltuar nga sezoni i jashtëzakonshëm i Bernardo Silva, trajneri i Manchester City nuk ka rezervuar aspak superlativat e tij në adresë të futbollistit, veçanërisht pas performancës spektakolare të tij në derbin e Manchester, të fituar nga “Qytetarët” me rezultatin 0-2.
“Sezoni i tij ka qenë një kryevepër. Është një kampion në gjendje të luajë praktikisht në çdo rol në mesfushë. Ka luftuar me Pogba pa u frikësuar dhe në barazi. Komplimente për atë”, ishin fjalët e trajnerit katalanas të Manchester City për Bernardo Silva.