Trajneri i KF Feronikeli, Zekirja Ramadani ka deklaruar se sot Feronikeli ka shfaqur një karakter të një skuadre kampione, shkruan Insporti.
“Më gëzon karakteri i lojtarëve që nuk luajtën për të ruajtur rezultatin. Arritëm të menaxhojmë rezultatin dhe epërsinë sot, finalja është një ndjenjë e veçantë dhe ishte një objektiv për tu arritur. Serioziteti ishte mbi nivel rezultati 2:1 na kishte mobilizuar dhe futbollistët ishin edhe më serioz, ne luajtëm një lojë të bukur, madje dy ekipet por ne shënuam dy gola. Kjo që ndodhi sot është një motiv sot se nuk është lehtë të garosh në dy gara. Mirëpo duke ditur bagazhin e futbollistëve dhe numrin e futbollistëve do t’ia dalim dhe deri në fund ne kemi pesë finale”, deklaroi Ramadani.
