Milan Skriniar duket se nuk do të lëvizë nga Interi edhe pse shumë skuadra janë vënë pas tij. Real Madrid, Chelsea, Manchester City e Manchester United e duan lojtarin. Por duket se sllovaku ka vendosur që të mbetet edhe më tej te Interi ku është afër rinovimit të kontratës.
“Jemi shumë afër rinovimit, ka edhe pak kohë për tu zyrtarizuar. Mendoj se e ardhmja ime është te Interi”, tha mbrojtësi sllovak.
Ai u pyet edhe për ofertat nga Reali, duke thënë se nuk din gjë për to. “Nuk kam ide se nga kanë ardhur këto lajme, nuk di asgjë”, tha Skriniar.
Krejt në fund qendërmbrojtësi i talentuar deklaroi se skuadra e tij duhet të shkojë në Ligën e Kampionëve dhe këtë e siguron nëse i marrin tri fitore.
