Sadriu apo reprezentuesi i Kosovës rinovon me Shkëndijën!

Futboll

Sadriu apo reprezentuesi i Kosovës rinovon me Shkëndijën!

Më: 3 maj 2019 Në ora: 17:57
Sadriu apo reprezentuesi i Kosovës rinovon me Shkëndijën!

Mbrojtësi i kombëtares së shpresave të Kosovës firmos marrëveshje të re e cila e mban kuqezi deri në vitin 2023. KF Shkëndija vazhdon të mendojë për të ardhmen dhe rezultat i kësaj është rinovimi i kontratës me një prej lojtarëve më të rinj të ekipit të parë. Futbollisti 18 vjeçar Leard Sadriu ka hedhur firmën në kontratën e re me Shkëndijën, duke u lidhur me kuqezinjtë deri verën e vitit 2023. I ardhur dy vite më parë nga KF Ferizaj si talent i madh, Sadriu kishte kontratë në fuqi deri në vitin 2021. Mirëpo duke vlerësuar prosporitetin e tij me rekomandim të stafit teknik, drejtuesit e klubit vendosën të firmosin zgjatje të bashkëpunimit me kontratë të re katërvjeçare.

“Për mua është nder dhe kënaqësi të jem pjesë e Shkëndijës, një klub simbol në vend dhe jashtë kufijve. Shumë futbollistë ëndërrojnë të vijnë këtu dhe për mua është arritje që klubi vendos të më rinovojë kontratën. Ky do të jetë motiv për të vazhduar të punoj edhe më shumë për të arsyetuar besimin e të gjithëve në KF Shkëndija, ndërsa besoj se bashkarisht do të gëzohemi në shumë suksese të reja periudhën në vazhdim”, shprehet Sadriu pas firmosjes së kontratës së re me kuqezinjtë.

Sadriu është mbrojtës qendror që rregullisht luan me shpresat e Shkëndijës. Në sezonin e kaluar historik të kuqezinjëve kur fituam kampionatin dhe Kupën, Sadriu regjistroi 2 paraqitje, ndërsa në kampanjën aktuale deri tani është paraqitur në katër përballje. Shkëndija pothuajse e ka siguruar titullin e ri në Kampionatin e Maqedonisë Veriore.

Sot mund të lexoni Shfletoni kopertinat