Liverpooli do ta zhvillojë nesër gjysmëfinalen e dytë të Ligës së Kampionëve përballë Barcelonës.
Ndeshja e parë në "Camp Nou" përfundoi 3:0 për katalunasit, ndërsa nesër në "Anfield", Liverpooli shpreson në mrekulli.
Gjatë ditës së sotme u konfirmua se Mohamed Salah dhe Roberto Firmino do t'i mungojnë Liverpoolit për ndeshjen e nesërme.
Këto mungesa masive i ka komentuar edhe sulmuesi i Barcelonës, Luis Suarez, i cili shënoi një gol në fitoren e javës së kaluar.
"Salah është shumë i rëndësishëm, ai ishte njëri prej tre më të mirëve në botë së fundmi", tha fillimisht sulmuesi uruguajan.
Megjithatë, ish-futbollisti i Liverpoolit potencoi faktin se ish-skuadra e tij ka në dispozicion edhe futbollistë si Xherdan Shaqiri dhe Daniel Sturridge.
"Liverpooli ka Xherdan Shaqirin dhe Daniel Sturridgen. Ata mund ta bëjnë diferencën nesër", shtoi Suarez.