Humbja e turpshme nga Liverpooli mbrëmë përcillet me shumë kritika në Spanjë.
Gazetat kryesore spanjolle janë treguar të pamëshirshme ndaj Barcelonës e cila mbrëmë pësoi njërën prej disfatave më të thella në historinë e klubit dhe u eliminua nga Liga e Kampionëve.
“Figura më e keqe në histori”, është titulli i madh i gazetës Sport, e cila nënvizon se për herë të parë pas pesë vitesh Championsi nuk do të fitohet nga një skuadër spanjolle.
“Gjëmim në Anfield”, shkruan AS, me imazhin e Ter Stegenit që shesh si topi rrokulliset drejt rrjetës.
“Turpërim” është titulli i El mundo Deportivos, që më poshtë nënvizon: Goli qesharak i 4-0, i marrë nga korneri, është epitafi i një skuadre që ka ripërjetuar Romën.”
Ndërkohë gazeta Marca në ballinën e saj shkruan: “Dështim historik”.
Të gjitha këto kritika janë mëse të arsyeshme pasi për të dytin vit radhazi Barcelona eliminohet nga Liga e Kampionëve, ndonëse në ndeshjen e parë e kishin fituar me tre gola epërsi.