Aktori dhe shkrimtari i njohur gjerman, Harald Schmidt ka folur për mrekullitë që kanë bërë Liverpooli dhe Tottenhami në fazën gjysmëfinale të Ligës së Kampionëve.
Ai gjithashtu ka thënë se është shumë i lumtur me paraqitjen e Xherdan Shaqirit.
“Të dyja ndeshjet ishin thjesht fantastike. Nuk ka ndonjë nivel tjetër të argëtimit që ofron një spektakël të tillë. Liga e Kampionëve është e paarritshme në aspektin e emocioneve dhe dramës”, ka deklaruar fillimisht Schmidt për “Blick”.
“Nga këndvështrimi zviceran kjo ka qenë gjithashtu një fitore e madhe për Shaqirin. Me të vërtetë më pëlqeu. Dhe unë isha i lumtur teksa e shihja të luante përsëri”, shtoi ai.
