Milani është i destinuar që njëherë e mirë të bëjë revolucion në ekip.
Sipas raportimeve të fundit nga Italia, ‘Rossonerët’ kanë vënë në tregun e transferimeve Hakan Calhanoglu.
Klauzola e largimit të anësorit turk është 20 milionë euro dhe pritet të largohet në verë nga ‘San Siro’.
Përformancat e 25-vjeçarit kanë qenë jobindëse për drejtuesit e Milanit, çka ka ardhur deri te vendimi për ta vendosur në shitje.
Ai ka kontratë deri në vitin 2021, por ekipi që drejtohet nga Gattuso kërkon largimin e tij para se të kushtonte me parametra zero.
Leipzig dhe Schalke janë dy ekipet e interesuara për shërbimet e tij.