Gareth Bales i ka mbetur vetëm edhe një ndeshje për ta luajtur në “Bernabeu”.
Pavarësisht se pati rol kyç në katër triumfet e mëparshme të Real Madridit në Champions League, uellsiani është kritikuar vazhdimisht për paraqitjet e tij, derisa ky pritet të jetë edicioni i tij i fundit te klubi mbretëror.
Sidoqoftë, duke lënë anash paraqitjet e tij në fushë, Bale ia ka dalë shumë mirë sa i përket përfitimeve materiale.
Sipas medieve nga Ishulli, Bale zyrtarisht do të shpallet futbollisti më i pasur në Britani nga “Sunday Times Rich List”, që do të publikohet nesër.
Thuhet se të përfitimet e tij janë rritur për 25 milionë euro, duke regjistruar 104 milionë euro të ardhura, falë paraqitjes brilante të tij në finalen e vitit të kaluar të Champions Leagues kundër Liverpoolit.
Vetëm nga rroga, Bale fiton 20 milionë euro në vit neto, derisa shumat tjera sigurohen me fushata promocionale.