Kampionët e Anglisë, mund të mbeten pa pjesëmarrje në Ligën e Kampionëve edicionin tjetër.
Akuzat ndaj Manchester Cityt për shkelje të Fair Play Finaciar, që tani kanë shkuar në duart e Organit të Kontrollit Financiar të Klubeve (CFBC) kanë shkaktuar frikë te ekipi anglez.
I menjëhershëm ka qenë reagimi i Manchester Cityt që përmes një komunikate ka akuzuar ata që e kanë nisur këtë akuzë dhe sipas tyre gjithçka do të përfundojë pozitivisht.
“Rrjedhjet e informatave në media gjatë javës së fundit tregojnë qartë si është menaxhuar ky proces nga zoti Leterme”.
“Manchester City është plotësisht i bindur dhe besimplotë se çështja do të mbyllet në mënyrë pozitive, kur të merret në shqyrtim nga një trupë gjykuese e pavarur”.
“Akuzat për parregullsi financiare mbeten të pavërteta dhe gjatë hetimit nuk janë marrë parasysh një numër i madh provash të pakundërshtueshme siguruar nga Manchester City.”
“Vendimi përmban gabime, keqinterpretime dhe paqartësi të krijuara nga mungesa e një procesi të plotë dhe mbeten çështje të rëndësishme të pazgjidhura, ngritur nga Manchester City si pjesë e një procesi që klubi mendon se është i cunguar, i kufizuar dhe i padrejtë”, thuhet në komunikatë.
