As laiku më i madh nuk e kishte besuar se Ferizaj do t’i ikë barazhit dhe do të sigurojë ekzistencën një javë para se të bie perdja e elitës së futbollit të Kosovës! Ferizaj si vjeshtën si pranverën e kishte nisur me njëqind probleme, me vonesa të mëdha në përgatitje, me krizë financiare, por me kalimin e kohës gradualisht gjërat erdhën në binarë, veçmas me gjashtë fitore rresht në gjashtë javët e fundit u ngritën në pozitën e pestë me 43 pikë, duke siguruar ekzistencën.
Gjithsesi se prof. Bylbyl Sokoli, kryetrajner i Ferizajt, është i lumtur, pasi që edhe vet nuk e kishte menduar as besuar se do të bëjnë këtë mrekulli. Ferizaj si mysafir e mposhti me rezultat 5:2 të fundosurin KEK-un nga Kastrioti. Në minutën e 20-të, futbollisti Dardan Çerkini me dinakërinë e tij shënon për 0:1, por vendasit shpejt kundërpërgjigjen dhe barazojnë përmes Isa Eminhazirit pikërisht në minutën e 24-të. Ferizaj ndezi “motorët’ në pjesën e dytë kur shënojnë edhe tri herë dhe për fitoren e madhe. Në minutën e 51-të Ermal Krasniqi kalon në epërsi Ferizajn, kurse Leonat Vitija barazon 2:2 (66’).
Në minutën e 68-të, Blerton Mehmeti shënon për 2:3 dhe Qëndrim Dautaj (71’) sjellë qetësinë, kurse Ylber Luma (88’) thellon fitoren në 2:5. KEK-u është ngulitur në fund të renditjes me 1 pikë, kurse Ferizaj është i pesti me 43 pikë. Në javën e fundit Ferizaj e pret Gjilanin dhe KEK-u i shkon Trepçës ’89.
IPKO Superliga – Java e 32-të
Gjilani-Liria 4:0
KEK-u-Ferizaj 2:5
Prishtina-Trepça ‘89 3:0
Llapi-Feronikeli 1:3
Drita-Flamurtari 1:2
Drenica-Ballkani 1:1
Tabela
1. Feronikeli 32 24 5 3 77
2. Prishtina 32 23 6 3 75
3. Llapi 32 22 3 7 69
4. Drita 32 14 6 12 48
5. Ferizaj 32 13 4 15 43
6. Flamurtari 32 11 9 12 42
7. Drenica 32 10 10 12 40
8. Ballkani 32 11 7 14 40
9. Trepça'89 32 10 9 13 39
10. Gjilani 32 10 8 14 38
11. Liria 32 8 4 20 28
12. KEK-u 32 0 1 31 1
Në javën e 33-të përkatësisht të fundit, do të takohen: Ferizaj-Gjilani, Trepça '89-KEK-u, Feronikeli-Prishtina, Flamurtari-Llapi, Ballkani-Drita dhe Liria-Drenica.