Ky është kampion i ri i Kosovës në futboll - Bota Sot
Ky është kampion i ri i Kosovës në futboll

Futboll

Ky është kampion i ri i Kosovës në futboll

Nga: Kemajl Goca Më: 19 maj 2019 Në ora: 16:06
Feronikeli

(E plotësuar) - Feronikeli nga Drenasi është kampion i ri apo titulli i tretë në histori të ekzistimit të këtij klubit. ‘Nikli’ triumfoi me rezultat 1:0 ndaj Prishtinës, në derbin e madh të elitës së futbollit të Kosovës. Në një atmosferë drithëruese në stadiumin “Rexhep Rexhepi” në Drenas, mbi 3 mijë shikues, Feronikeli me plotë meritë shënoi fitore me rezultat minimal 1:0 ndaj Prishtinës. Vendasit dhanë maksimumin, patën shumë më shumë nga loja, kurse Prishtina nuk ishte në formën e saj dhe aspak e rrezikshme.

Kryetrajneri i Feronikelit, Zekirija Ramadani është i ngazëllyer me suksesin e madh, sepse pas titullit të premten e 24 maj synon edhe trofeun e Kupës së Kosovës, në duel me Trepçës ’89. Hero i fitores së Feronikelit është Yll Hoxha me golit që shënon në minutën e 73-të. Feronikeli zuri vendin e parë me 80 pikë, duke lënë pas Prishtinën me 75 sosh.
Yll Hoxha kalon në epërsi Feronikelin dhe shumë afër titullit të kampionit. Prishtina nuk po tregon lojë ashtu si është pritur, kurse ‘Nikli’ deri me tani është më i mirë. Në minutën e 73-të, Hoxha shënon për ‘Niklin’.

Në Drenas pas disa minutave pritet të zhvillohet superderbi i Superligës së Kosovës në futboll, ku ndeshën Feronikeli dhe Prishtina.

Ndeshja e cila pritej të fillojë në orën 16:00, në stadiumin “Rexhep Rexhepi”, është shtyrë për orën 16:15, siç thuhet për shkak të mosmarrëveshjeve me gjyqtarë.

Megjithatë, merr vesh se nuk janë caktuar për shkak se të eliminimit të korrupsionit të mundshëm.

Po ashtu, mësohet se në këto momente shorti ka përcaktuar Genc Nuzën për ta drejtuar këtë takim.

Gjyqtarë asistent do të jenë Fatlum Berisha dhe Fatmir Sekiraqa, ndërkohë gjyqtarë i katërt do të jetë Tafik Maloku.

Feronikeli mund të shpallet kampion me fitore apo barazim, ndërsa Prishtinës i duhet vetëm fitorja, pasi është dy pikë prapa Feronikelit.

Nëse Feronikeli fiton, ky do të jetë titulli i tretë, kurse Prishtina do ta fitonte për herë të tetë këtë titull pas luftës.

Superliga e Kosovës 
Feronikeli-Prishtina    1:0
Ferizaj-Gjilani    2:1
Trepça ’89-KEK-u    4:0
Flamurtari-Llapi    3:2
Ballkani-Drita    2:0
Liria-Drenica    2:3

Tabela
1. Feronikeli    33    25    5    3    80
2. Prishtina    33    23    6    4    75
3. Llapi    33    22    3    8    69
4. Drita    33    14    6    13    48
5. Ferizaj    33    14    4    15    46
6. Flamurtari    33    12    9    12    45
7. Drenica    33    11    10    12    43
8. Ballkani    33    12    7    14    43
9. Trepça'89    33    11    9    13    42
10. Gjilani    33    10    8    15    38
11. Liria    33    8    4    21    28
12. KEK-u    33    0    1    32    1
Feronikeli kampion i ri. Nga liga largohen Liria dhe KEK-u, në barazh mbeten Trepça ’89 dhe Gjilani.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...