Ka përfunduar edicioni 2018/2019 në Superligën e Kosovës në futboll. Kampion është shpallur Feronikeli pas fitores 1:0 sot ndaj FC Prishtinës. Golin e vetëm dhe të fitores e shënoi Yll Hoxha, i cili pas ndeshjes tha se golin ia kushton familjes së tij.“Më vjen keq për FC Prishtinën pasi jam rritur në këtë klub, por më vjen mirë për skuadrën time”, tha Hoxha fillimisht për SuperSport Kosova. “Golin ia kushtoj familjes sime që janë këtu dhe djalit. Titulli ishte i merituar”, potencoi Hoxha.