Man City i mohon lajmet se Guardiola ka arritur marrëveshje me Juventusin - Bota Sot
Man City i mohon lajmet se Guardiola ka arritur marrëveshje me Juventusin

Futboll

Man City i mohon lajmet se Guardiola ka arritur marrëveshje me Juventusin

Më: 23 maj 2019 Në ora: 16:31
Pep Guardiola

Mediat italiane sugjeruan se Pep Guardiola do të zyrtarizohet si trajner i Juventusit muajin tjetër, mirëpo Manchester City e ka përqeshur këtë spekulim.

Juventusi është në kërkim të një trajneri të ri pasi para gjashtë ditësh bëri të ditur se trajneri aktual, Massimiliano Allegri, nuk do ta drejtojë klubin sezonin e ardhshëm.

Sot, agjencia më e madhe e lajmeve në Itali, Agenzia Giornalistiva Italia, raporton se me kontratën katërvjeçare me Juventusin, Guardiola do t’i fitojë 24 milionë euro në sezon, në krahasim 17 milionë eurot në vit që i merr në Manchester City.

Kjo agjenci shton se marrëveshja do të nënshkruhet më 4 qershor, para se të zyrtarizohet dhjetë ditë më vonë. Pikërisht për 14 qershor, Juventusi i ka anuluar të gjithë rezervimet për turne në stadiumin Allianz.

Për Guardiolën u tha se ishte takuar të martën në Milano me drejtorin sportiv të Juventusit, Fabio Paraticin.

Mirëpo, Sun Sport raporton se drejtuesit e Manchester Cityt i cilësojnë këto pretendime “qesharake” dhe nuk mendojnë se kanë nevojë as të dalin me deklaratë zyrtare, pasi që këto lajme nuk i vlerësojnë aspak serioze.

Këto spekulime i kishte mohuar edhe Guardiola javën e kaluar.

“Sa herë duhet ta them këtë gjë? Nuk do të shkoj në Juventus. Nuk do të shkojë askund në Itali. Jam i lumtur këtu dhe nuk do të shkoj askund. Sezonin tjetër do të jem trajner i Manchester Cityt, e kam thënë këtë gjë disa herë”, kishte thënë Guardiola në një konferencë për shtyp. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...