Dorëzohet PSG-ja, Tuchel nuk garanton qëndrimin e Mbappes dhe Neymarit - Bota Sot
Dorëzohet PSG-ja, Tuchel nuk garanton qëndrimin e Mbappes dhe Neymarit

Futboll

Dorëzohet PSG-ja, Tuchel nuk garanton qëndrimin e Mbappes dhe Neymarit

Më: 23 maj 2019 Në ora: 17:39
Mbappe dhe Neymar

Neymar dhe Mbappé mund të mos e veshin fanellën e PSG-së sezonin e ardhshëm.

Kështu ka bërë të ditur trajneri i Paris Saint Germain, Thomas Tuchel, i cili ka thënë se do të mundohen që të gjejnë zëvendësuesit e duhur nëse Kylian Mbappe dhe Neymar Junior nëse vendosin të largohen.

Ditë më parë, Mbappe lëshoi sinjale se dëshiron një aventurë të re, diçka që sipas shumë mediave botërore, mund të jetë duke e menduar edhe Neymar Junior.

“Mbappe dhe Neymar? Si trajner, dua që ata të vazhdojnë, por ky është futbolli, nuk jemi naiv”, tha Tuchell.

“Shumë klube duan të blejnë lojtarë dhe tregu tashmë është i çmendur, por nëse më pyesni mua, po, i dua këtu për sezonin e ardhshëm. Por, nëse jo, do të mundohemi të bëjmë zgjidhje (për t’i zëvendësuar)”.

Neymar dhe Mbappe iu bashkuan PSG-së në verën e vitit 2017, për 222 milionë euro, respektivisht 180 milionë.

Braziliani ka shënuar 51 gola në 58 paraqitje, kurse Mbappe 59 gola në 86 paraqitje.

Futbollistët në fjalë lidhen me një kalim të mundshëm te Real Madridi dhe mediat spanjolle besojnë fuqishëm se njëri do të përfundojë në “Santiago Bernabeu”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...