Kalidou Koulibaly është vërshuar nga ofertat e shumta nga klubet e ndryshme të Evropës.
Koulibaly është shndërruar në një nga futbollistët më të mirë të Napolit, mbase edhe më i miri pas një sezoni të shkëlqyer nën urdhërat e trajnerit Carlo Ancelotti.
Sipas “Corriere dello Sport”, “Los Blancos” i kanë vënë “në pjatë” 90 milionë euro Napolit, në përpjekje për t’i siguruar shërbimet e senegalezit.
Megjithatë, Ancelotti nuk dëshiron të dëgjojë për ofertat ndaj Koulibaly.
Kujtojmë se senegalezi ka një klauzolë të vlefshme në kontratën aktuale prej 150 milionë eurosh për t’u lënë i lirë, në rast ofertash nga jashtë Italisë.
Fali Ramadani, menaxheri shqiptar i Koulibaly, përveçse ka pranuar propozimin e bërë nga Real Madridi, nënvizoi se edhe PSG, gjithashtu, po shqyrton mundësinë e blerjes së klientit të tij.