Legjenda e Barcelonës, Rivaldo, është kujdesur që të jap një këshillë për mesfushorin aktual të skuadrës, Ivan Rakitic.
E ardhmja e kroatit tek Barcelona nuk është akoma e sigurt, pasi skuadra nuk i ka ofruar kontratë të re dhe situatën janë duke e vëzhguar me kujdes disa skuadra, ndër të cilat edhe Manchester United.
Rivaldo ka shprehur mendimin se Rakitic duhet ta shmang në çdo formë largimin e tij drejt ‘Old Trafford’.
“Ka disa zëra që sillen rreth Ivan Rakitic dhe mundësisë së kalimit të tij tek United, por, edhe pse United është skuadër e madhe, kroati ka akoma për të luajtur tek Barca, pasi është i jashtëzakonshëm” ka thënë braziliani, duke propozuar qëndrimin e kroatit në ‘Camp Nou’.
“United po kalojnë në një moment shumë të keq, por tradita e tyre është e madhe dhe secili lojtar do të donte të luante në ‘Old Trafford’” ka thënë Rivaldo.
Rivaldo kishte kaluar pesë vite me Barcelonën, mes viteve 1997-2002, ku ka regjistruar 235 paraqitje dhe ka shënuar 130 gola.
