Prezent në konferencën për shtyp të mbajtur në njoftimin e rinovimit të kontratës me trajnerin Thomas Tuchel, presidenti i PSG, Nasser Al-Khelaifi parashtroi motivet pse i ofroi gjermanit mundësinë për të vijuar detyrën në krye të kampionëve të Francës, madje edhe pas humbjes 3-1 në ndeshjen e fundit të kampionatit ndaj Reims.
"E gjithë familja e PSG është e lumtur të festojë rinovimin e Tuchel. Pse rinovuam me Tuchel? Në këtë sezon Thomas ka sjellë në mënyrë të vazhdueshme energjinë e tij pozitive, jo vetëm ndaj futbollsitëve, por të gjithë klubit", u shpreh presidenti i PSG.
"Tifozët tanë e kanë vlerësuar menjëherë. Është një i apasionuar i madh i futbollit dhe një trajner kërkues. Jemi të lumtur që të vazhdojmë të ecim përpara me atë", deklaroi presidenti i PSG, Al-Khelaifi