Luciano Spalletti ende nuk e di nëse do të largohet nga Inter, por ai qëndron i qetë pavarësisht spekulimeve se Antonio Conte do ta marrë drejtimin e skuadrës.
Spalletti i siguroi ‘Zikaltërve’ kualifikimin në Ligën e Kampionëve për sezonin e dytë radhazi falë edhe fitores 2-1 ndaj Empolit, por gjithsesi e ardhmja e tij mbetet në dyshim.
Sipas raportimeve të fundit, ish-trajneri i Juventusit dhe Chelseat italiani Conte është favoriti kryesor për ta zënë vendin e Spallettit sezonin e ardhshëm.
Pas ndeshjes, trajneri i Interit tha: ‘’Nuk isha i befasuar nga rezultati. Patëm një ndeshje të mrekullueshme’’.
‘’Më vjen keq për Empolin, kam miq atje. Ata e merituan qëndrimin, por gjithashtu ne merituam kualifikimin në Ligën e Kampionëve’’.
‘’Nuk e di nëse do largohem nga Interi. Jam i qetë dhe po shkoj në rrugën e duhur’’, deklaroi ai.