Zvicra ka zbuluar listën e lojtarëve të ftuar për ndeshjen me Portugalinë në play-off të Nations League dhe Irlandën në kualifikimet për Euro 2020.
Përzgjedhësi i Zvicrës, Vladimir Petkovic, ka publikuar listën e 25 lojtarëve të ftuar për ndeshjet e qershorit, kundër Portugalisë në gjysmëfinale të Nations League dhe atë kundër Irlandës për kualifikimet e Euro 2020.
Janë ftuar tre shqiptarë këtë radhë, Shaqiri, Ajeti dhe Xhaka, kurse Mehmedi dhe Xhemaili janë lënë jashtë.
Fillimisht, helvetikët do ta mbajnë një kamp përgatitor në Cyrih, në të cilin do të mungojnë futbollistët nga Kosova, Xherdan Shaqiri dhe Granit Xhaka, sepse ata kanë angazhime me Liverpoolin, respektivisht Arsenalin në finalet e Ligës së Kampionëve dhe Ligës së Evropës.
