Antonio Conte tek Inter nuk është më një lajm, nga momenti në moment dalin detaje të reja të marrëveshjes, stafit apo mënyrës sesi do të bëhet zyrtarizimi i trajnerin në stolin zikaltër.
Së fundi është shkrepur një foto ku Conte është së bashku me drejtuesit e zyrës së shtypit të Interit, duke diskutuar mbi një projekt. Pas shpinës së tyre dallohen qartë disa kamera, që me të gjitha gjasat janë duke përgatitur klipin e ish-trajnerit të Chelsea dhe Juventusit që do të prezantohet këto ditë si trajner i zikaltërve.
Kujtojmë që Conte ka firmosur kontratë 3-vjeçare me Interin dhe do të përfitojë 12 milionë euro në sezon.