Gjilani është skuadra që do të mbetet në Superligë në sezonin e ardhshëm pasi që mposhti Besën me rezultatin 1:0 në kuadër të ndeshjes së barazhit.
Pas takimit, trajneri i Gjilanit, Gentjan Mezani u shpreh i lumtur që do të vazhdojnë të jenë pjesë e elitës.“ Një arritje e madhe qëndrimi në Superligë, është dashur ta zgjidhim më herët jo të luajmë në barazh. Besa na vuri në vështirësi, ishte skuadër e mirë, rezultati 1:0 ishte rrezik por e mbrojtëm mirë”, tha fillimisht Mezani.
Trajneri i Gjilanit foli edhe për edicionin e ardhshëm se a do të jetë pjesë e skuadrës. “Kemi një projekt me Gjilanin dhe normalisht që do të jem tek Gjilani edhe sezonin e ardhshëm”, e mbylli deklaratën ai.