Luis Suarez ka lënë prapa dëmtimin, ai është gati që t’i bashkohet Uruguait për ‘Copa America’.
Luis Suarez u operua në fund të sezonit me Barcelonën dhe nuk ndihmoi ekipin në ndeshjet e fundit me një qëllim të qartë, të ishte i gatshëm për Uruguain në Kupën e Amerikës.
Ai humbi edhe finalen e Copa del Rey, ku Barça u mposht 2-1 nga Valencia – për çka u kritikua shumë uruguaiani.
Drejtuesit e katalanasve kanë mbetur mjaft të zhgënjyer me veprimin e sulmuesit dhe e ndjejnë veten të tradhtuar nga uruguaiani. Megjithatë, Suarezit i ka shkuar gjithçka siç ka planifikuar, pasi është rikuperuar plotësisht dhe është gati për kombëtaren e tij.
Lajmi është konfirmuar nga Barcelona në profilin zyrtar në Twitter.
32-vjeçari do të mbajë veshur fanellën e vendlindjes në verë, por nuk dihet nëse do të vazhdojë me Barcelonën.
Sezonin që lamë pas, ai bëri 49 paraqitje dhe shënoi 25 gola.
