Tifozët e Arsenalit kanë kërkuar nga klubi që të mos e transferojnë Jerome Boateng edhe nëse dështojnë që ta zëvendësojnë Shkodran Mustafin në formacionin bazë.
30-vjeçari pritet të largohet nga Bayern Munich këtë verë pasi ka dështuar të mahnitë nën urdhrat e trajnerit Niko Kovac.
Përveç Arsenalit, Boateng ka joshur interesimin e klubeve të mëdha si Manchester United, Paris Saint-Germain dhe Inter.
Dhe mbrojtësi gjerman mund të shitet për vetëm 20 milionë funte pasi presidenti i klubit Uli Hoeness e këshilloi atë të largohej.
Unai Emery, trajneri i Arsenalit kërkon të përforcohet në mbrojtje, por tifozët e skuadrës nuk besojnë se Boateng do t'ua zgjedh problemet defanzive.
Duke folur në Twitter, një tifoz shkroi: "Unë me të vërtetë shpresoj që ne nuk do ta blejmë Jerome Boateng. T'i blejmë këta futbollistë të përfunduar, nuk është vendim i duhur".
Një tjetër tha: "Mos e transferoni Boateng, ai ka përfunduar. Transferojeni të riun e RB Leipzig. Boateng është më i dobët se Mustafi".
