Zëvendësprokurori i përgjithshëm i Palermos, Ettore Costanza, ka kërkuar 3 vite e 6 muaj burg për ish-sulmuesin Fabrizio Miccoli. Ish-ylli i Serisë A akuzohet për "zhvatje me metoda mafioze".
Miccoli akuzohet se i ka kërkuar ndihmë një miku, Mauro Lauricella, djali i bosit të Kalsas, Antonio, për të ndihmuar ish-fizioterapistin e Palermo-s, Giorgio Gasparini, për të rikuperuar 20 mijë euro të shpenzuara në diskotekën "Paparazzi" të Ishullit të Femrave.
Kjo çështje është bërë publike në momentin e kapjes së babait të Lauricella-s, i cili ishte në arrati në atë kohë. Nga përgjimet e telefonatave kanë dalë komunikimet e Miccoli-t me djalin e bosit.
Sipas akuzës, Miccoli i ka dorëzuar Gasparini-t një zarf me 8.000 euro në 2011-ën. Një shumë që është marrë falë ndërhyrjes së bosit të mafies.
