Ish-kapiteni i Manchester United, Rio Ferdinand, ka refuzuar të përjashtojë mundësinë e rikthimit në klub – për të marrë një rol teknik.
40-vjeçari është në listë për t’u rikthyer në hierarkinë e ‘Old Trafford’.
Ole Gunnar Solskjaer përballet me një punë të madhe ristrukturimi këtë verë – pasi klubi i tij përfundoi në vendin e gjashtë në Premier League sezonin e kaluar.
Roli i një drejtori teknik për të punuar së bashku me zëvendëskryetarin ekzekutiv, Ed Woodward është diskutuar për disa kohë, por ende nuk është caktuar një takim.
“E gjitha varet nga roli i punës,” tha Ferdinand kur u pyet nëse ai do donte që të kthehej në klub.
“Mendoj se vendimet e marra në një klub futbolli – duhet të vijnë me një proces të mendimit të futbollit në prapavijë, dikush që e kupton atë, mund të marrë një vendim”, përfundoi ai.
