E ardhmja e Daniele de Rossit është ende një rebus i madh. Ditën e martë në mëngjes e bënin të kryer transferimin e tij në Buenos Aires te Boca Juniors, por më pas, në mbrëmje, ESPN do të publikonte lajmin se gjatë pushimeve të tij në Amerikë, ish-kapiteni i Roma-s kishte arritur akord me drejtuesit e Los Angeles Fc.
Pikërisht ky lajm ka bërë që tifozë të ndryshëm të revoltohen dhe, mbi të gjitha, një tifoz i Bocas e ka sulmuar duke e quajtur mercenar, pasi në vend që të shkonte në një ekip me histori si Boca dhe i dashur nga tifozeria, preferon një skuadër që i jep më shumë para në MLS.
Por, menjëherë ka qenë bashkëshortja e De Rossit, Sarah Felberbaum, ajo që ka përgënjeshtruar firmën në MLS:
"Im shoq nuk ka firmosur ende me asnjë! Ndaj, ju kërkoj që herën tjetër të mos fyeni askënd dhe sigurohu që të lexosh lajme të vërteta jo rastësisht".
