Abidal sqaron situatën e De Ligtit me Barcelonën - Bota Sot
Abidal sqaron situatën e De Ligtit me Barcelonën

Futboll

Abidal sqaron situatën e De Ligtit me Barcelonën

Më: 12 qershor 2019 Në ora: 15:53
De Ligtit

Gjatë orëve të fundit është raportuar se Matthijs de Ligti mund të mos i bashkohet Barcelonës gjatë afatit kalimtar të verës, por Paris Saint-Germainit. Këto raportime e kanë nxitur drejtorin sportiv të Barcelonës, Eric Abidal, ta qartësojë situatën.

Gazetari i famshëm sportiv, Gianluca di Marzio, raportoi sot se menaxheri i Matthijs de Ligtit, Mino Raiola, është takuar në Paris me drejtorin sportiv të PSG-së, Leonardon, ku kanë diskutuar për një marrëveshje.

Spekulimet se De Ligti mund të shkojë drejt Francës i nxiti edhe vetë Abidali me postimin e tij të fundit në llogarinë e tij në Instagram. Ai e postoi një thënie të legjendës Johan Cruyff, i cili kishte thënë se ai që heziton të luajë për Barcelonës, nuk i duhet më skuadrës.

Kjo fotografi u shoqërua nga teksti: “Faleminderit Johan, ti ke të drejtë”. Ky shkrim i kishte bërë tifozët katalonas të mendojnë se transferimi i De Ligtit në Barcelonë tashmë kishte dështuar.

Megjithatë, Abidal u përgjigj brenda një ore, duke pretenduar se llogaria e tij në Instagram ishte hakuar, duke shtuar: “Hej, gjithçka është e mundur, të gjitha të mirat tani”.

Barcelona shpreson se do ta bindë qendërmbrojtësin holandez t’i bashkohet ish-bashkëlojtarit të tij në Ajax, Frenkie De Jongut, dhe të transferohet në Barcelonë. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...