Afati kalimtar i verës po ndizet gjithmonë e më shumë çdo ditë që kalon. Një nga protagonistët pritet të jetë edhe James Rodriguez, i cili kërkohet me ngulm nga Napoli për sezonin e ardhshëm. Kolumbiani ka punuar me Carlo Ancelotti-n në të kaluarën, por Cristiano Ronaldo mund të prishë planet e “axurrëve”. Sipas spanjolles “AS”, mesfushori sulmues i Real Madridit mund të bashkohet me portugezin. Këtë e ka konfirmuar legjenda e Bayern dhe Inter, Lotthar Matthaus: “Kam folur me kolumbianin gjatë festës për fitoren e Bundesliga-s: unë e shikoj mirë tek Juventus, është shumë i lidhur me Ronaldon dhe më ka thënë se ai e ka marrë në telefon dhe i ka thënë se e do në ekip”.
