Benfica është hedhur në sulm për të transferuar në Portugali sulmuesin e Interit, Andrea Pinamonti, i cili vjen pas një paraqitjeje fantastike në kampionatin botëror të U20-ës.
Sipas shtypit portugez, drejtuesit e Benficës kanë ofruar një shifër prej 15 milionë eurosh për kartonin e 20-vjeçarit, ndërsa Interi nga ana tjetër kërkon më tepër se kaq.
Zikaltrit kërkojnë 20 milionë euro dhe ruajtjen e të drejtës së riblerjes për 35 milionë euro, në dy sezonet e ardhshme, për të shmangur gabimin që bënë vitin e kaluar me Zaniolon.
Andrea Pinamonti mbylli sezonin në radhët e Frosinones, kiu arriti të shënojë edhe 5 gola, ndërsa tashmë ndiqet nga shumë klube italiane dhe europiane.