Ngecja në negociata për emërimin e Maurizio Sarrit si trajner të Juventusit është për shkak se Derby County i ka ofruar kontratë të re Frank Lampardit.
Situata është zvarritur tash e një muaj dhe Juve nuk mund ta punësojë formalisht Sarrin derisa ta përfundojë kontratën aktuale me marrëveshje të përbashkët.
Kjo po del të jetë shumë më e vështirë se që ishte pritur, me raportet nga Italia që po potencojnë se Chelsea do ta lirojë italianin me kompensim 2 milionësh, ndërsa burimet nga Anglia thonë se ata kërkojnë 7-12 milionë.
Mirëpo, përveç kësaj, problem po del të jetë fakti se Derby County i ka ofruar kontratë të re trajnerit Lampard, i cili është zgjedhja e parë për ta zëvendësuar Sarrin në “Stamford Bridge”.
Nëse “Të Kaltërit” nuk arrijnë të gjejnë zgjidhjen e duhur, atëherë do ta mbajnë ish-teknikun e Napolit.
