Ndërhyrja e shëmtuar e yllit të Juventusit ndaj Messit që gati sa nuk e nxiti një përleshje - Bota Sot
Ndërhyrja e shëmtuar e yllit të Juventusit ndaj Messit që gati sa nuk e nxiti një përleshje

Futboll

Ndërhyrja e shëmtuar e yllit të Juventusit ndaj Messit që gati sa nuk e nxiti një përleshje

Më: 16 qershor 2019 Në ora: 11:53
Pamje nga nderhyrja

Juan Cuadrado për pak sa nuk shkaktoi një përleshje në fushë mes Kolumbisë dhe Argjentinës, pasi bëri një ndërhyrje të shëmtuar ndaj Lionel Messit në ndeshjen hapëse të Grupit B në Kupën e Amerikës.

Kolumbia e mposhti 2:0 Argjentinën në ndeshjen hapëse të Grupit B të Kupës së Amerikës, të shtunën pasmesnatës.

Golat nga Roger Martinez dhe Duvan Zapata e tronditen Argjentinën e Lionel Messit duke ia zbehur shpresat për një triumf të mundshëm në këtë garë për herë të parë që prej vitit 1993.

Por, atëherë kur rezultati ishte baras 0:0 pas një ore lojë, ylli i Juventusit Cuadrado bën një ndërhyrje të ashpër në Messin dhe shpëton vetëm me karton të verdhë. Cuadrado dështon t’ia marrë topin yllit të Barcelonës në dy tentime radhazi, para se ta hedhë në dysheme.  

Martinez shënoi një gol fantastik në minutën e 72-të, i cili pritej të vinte nga çasti në çast gjithsesi, para se Zapata ta vuloste fitoren e Kolumbisë pasi erdhi nga banka rezervë tre minuta para fundit të ndeshjes.

Edhe pse Argjentina dominoi në pjesën e dytë, Kolumbia ishte tepër e fuqishme për Messin me shokë.  

Kolumbia është lidere me tri pikë, ndërsa Argjentina e fundit pa pikë në Grupin B. Pa pikë janë edhe Paraguai dhe Katar, por këtu të dyja ende nuk e kanë zhvilluar asnjë ndeshje në grup.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...