Sulmuesi kolumbian Luis Muriel është dëmtuar në ndeshjen që kombëtarja e tij fitoi sot 2-0 ndaj Argjentinës në Kupën e Amerikës. Aventura e sulmuesit të Fiorentina në këtë turne që zhvillohet në Amerikën Latine ka zgjatur vetëm 14 minuta (u zëvendësua nga Roger Martinez).
Sulmuesi 30-vjeçar, që ishte një nga objektivat e sulmit të Milanit dhe Atalanta, ka pësuar një dëmtim të rëndë në gjurin e majtë, që do ta mbajë larg fushave të paktën 3 muaj.
Ky dëmtim ndryshon edhe planet e Milanit në merkato, pasi tashmë kuqezinjtë do të kërkojë një sulmues tjetër.
Milan, një muaj më parë, pat nisur kontaktet me skuadrën e Sevilla, që ka kartonin e lojtarit (te Fiorentina ishte në formë huazimi nga janari). Tashmë Muriel do të rikthehet te Sevilla dhe vetëm në gusht mund të mendojë për të gjetur një ekip të ri.