Maurizio Sarri i ka treguar drejtuesve lojtarin që e do për fazën e mbrojtjes.
Juventusi ka nisur ndryshimet. Ardhja e Maurizio Sarrit do të ndërrojë sistemin e lojës së Zonjës së Vjetër, e cila duhet të gjejë lojtarët që i kërkon ish-trajneri i Chelseat.
I pari që do Sarri në ekip është Marquinhos i Paris Saint-Germain, që pëlqehet shumë nga trajneri italian.
Drejtori Sportiv, Fabio Paratici ka nisur kontaktet me kampionët e Francës, duke ua bërë me dije se sa shumë e do Juve brazilianin në ekip.
Tani pritet që të shkojë edhe një ofertë në adresë të PSG, e më pas mund të nisin bisedimet për rikthimin e Marquinhos në Serie A.
Kujtojmë se braziliani ka luajtur me Romën para se të transferohej në PSG.
