Maurizio Sarri ka vizituar për dy orë terrenin e stërvitjeve të Juventusit dhe më vonë do të darkojë me presidentin Andrea Agnelli.
Traineri i ri i Juventusit arriti në Torino me një avion privat këtë mbrëmje dhe u mirëprit në Aeroportin Caselle nga drejtori sportiv, Fabio Paratici.
Ai u dërgua në qendrën e trajnimit të Juventusit në Continassa dhe shikoi terrenin bashkë me Paratici dhe nënkryetarin Pavel Nedved.
Sipas mediave, ish-trajneri i Napolit dhe Chelseat, Sarri do të darkojë me presidentin Agnelli këtë mbrëmje.