Trondit punëtori i dasmës së Ramosit: Më trajtuan si qen… të gjithë ishim të zhveshur, sa turp

Futboll

Trondit punëtori i dasmës së Ramosit: Më trajtuan si qen… të gjithë ishim të zhveshur, sa turp

Më: 20 qershor 2019 Në ora: 17:41
Ramos me nusen

Një punëtor i dasmës së futbollistit të Real Madridit Sergio Ramos dhe prezantueses televizive Pilar Rubio, ka rrëfyer për një program televiziv në Spanjë për kushtet e tmerrshme në të cilat ishte detyruar të punonte gjatë kësaj ngjarjeje.

Ramos dhe Rubio u martuan të martën në vendlindjen e futbollistit, Sevillë, në një ceremoni madhështore dhe qindra të ftuar.

“Puna fatale ekipore. Ata na paguan 10 euro orën. Ata na i premtuan disa gjëra që më vonë s’u realizuan”, rrëfeu punëtori, emri i të cilit nuk është bërë publik.

Ai madje tregoi sesi njëri prej mbikëqyrësve të tij e ishte trajtuar, siç tha, si qenin.

“Njëri prej mbikëqyrësve më trajtoi si qenin dhe të gjithë punëtorët, pavarësisht gjinisë, u detyruan t’i ndërronin rrobat në të njëjtën tendë. Të gjithë ishim të zhveshur, sa turp. Kjo ishte hera e parë në jetën që punova në kushte të tilla”, shtoi ai.

Megjithatë, ai ka dashur të sqarojë se as Rubio e as Ramos nuk kishin qenë në dijeni të kësaj situate.

“Sikur ta dinin ata, mendoj se nuk do ta lejonin të ndodhte një gjë e tillë”, theksoi ai. 

Image
commentFirst article
Sot mund të lexoni Shfletoni kopertinat