Mbrojtësi i krahut të djathtë, Dani Alves, ka bërë të ditur se ky ishte sezoni i fundit me skuadrën e Paris Saint Germain.
Kontrata e lojtarit brazilian me kampionët e Francës skadon më 30 qershor dhe nuk do të ketë rinovim të saj.
Këtë gjë e ka konfirmuar vet Alves, për mes një postimi në ‘Instagram’, ku ka shkruar: “Një cikli po i vije fundi”.
Lojtari që po bart shiritin e kapitenit tek kombëtarja e Brazilit në Kupën e Amerikës 2019, nuk synon të vazhdojë aventurën e tij përtej 30 qershorit të këtij viti.
Ish lojtari i Barcelonës kalonte tek PSG në vitin 2017, për të dominuar ligën franceze.
Nuk dihet akoma se cili do të jetë destinacioni i radhës për lojtarin brazilian, por sigurisht se oferta të shumta do të nisen drejt tij, pas përfundimit të Kupës së Amerikës.
