Një ditë më parë shpërtheu se nuk do të rikthehej më kurrë të Bayern Mynih edhe pse ka një kontratë me bavarezët deri në vitin 2021. Ai është mesfushori 21-vjeçar portugez Renato Sanches, që tri sezone më parë mbërriti në Gjermani me shumë bujë pas fitimit të Europianit.
Gjithsesi, aventura e Sanches në Bundesliga ishte një makth, duke luajtur shumë pak. Madje një sezon u la në formë huazimi te Swansea.
E përditshmja franceze “Le Parisien” konfirmon se trajneri Thomas Tuchel i ka bërë një ofertë lojtarit që të vijë te PSG-ja. Trajneri i ka ofruar mundësinë që të përfundojë makthin e tij dhe të tregojë aftësitë e tij me kampionët e Francës.
Tuchel është gati të ofrojë një mundësi të artë Sanches, një lojtar që u ble për 35 milionë euro nga Bayern tri vite më parë. Gjithsesi, vlera e kartonit të tij ka rënë ndjeshëm dhe portugezi mund të përfundojë te PSG-ja për rreth 20 milionë euro.
Sanchez mendohet se do të jetë lojtari që do të zëvendësojë Adrien Rabiot.