Fernando Torres ka pohuar se fakti se nuk po e shijonte më lojën e futbollit, e ka shtyrë atë ta marrë vendimin për t’u pensionuar.
Sulmuesi spanjoll e kishte edhe një vjet në kontratën e tij me kubin Sagan Tosu në Japoni, por vendosi t’i japë fund karrierës sepse ndiente se më nuk ishte në gjendje ta ofronte atë që dikur ka mundur.
“E kam dëgjuar trupin tim”, tha Torres në konferencë për media.
“Nuk po e shijoja futbollin si më parë dhe mendoj se gjëja më e ndershme për të bërë tani është të largohem”, shtoi ai.
“Dua ta braktis futbollin me ndërgjegje të pastër”, shtoi ai.
Gjatë karrierës së tij të bujshme, Torres ka luajtur për shumë klube të mëdha, duke fituar trofe të shumtë.
