Stefan El Sharaui është një nga lojtarët më të spikatur tek Roma , dhe kjo ka bërë që ai të tërheqë vëmendjen e skuadrave të tjera.
Sipas mediave italiane në gjurmët e sulmuesit ishte vënë Interi të cilët e shihnin si zëvendësuesin ideal në rast largimi të Ivan Perisiç. Por sipas asaj që shkruan “Corriere dello Sport “ sot , Roma nuk dëshiron ta shesë lojtarin.
Drejtuesit verdhekuq i kanë ofruar 26-vjeçarit rinovimin e kontratës e cila përfundon në vitin 2020.
Por ka një ngadalësim të negociatave, kjo për shkak se lojtari dëshiron rritje të pagës që merr aktualisht. Marrëveshja për rinovimin e kontratës pritet të mbyllet së shpejti, dhe lojtari do të fitojë 3 milionë euro plus bonuse.