Përse nuk luajti kundër Kosovës? Përgjigjet shkurt futbollisti serb i Malit të Zi - Bota Sot
Përse nuk luajti kundër Kosovës? Përgjigjet shkurt futbollisti serb i Malit të Zi

Futboll

Përse nuk luajti kundër Kosovës? Përgjigjet shkurt futbollisti serb i Malit të Zi

Më: 24 qershor 2019 Në ora: 16:06
Mirko Ivanic

Mirko Ivanic, së bashku me shokun e tij, Filip Stojkovic nuk kishin pranuar të luanin për Malin e Zi kundër Kosovës këtë muaj, në ndeshjen kualifikuese të Kampionatit Evropian 2020.

Ky vendim kontrovers iu ka kushtuar rëndë dy futbollistëve serbë, të cilët nuk do të jenë më pjesë të ekipit përfaqësues të Malit të Zi.

Njëjtë e ka pësuar edhe trajneri Ljubisa Tumbakovic, i cili për shkak të presioneve dhe kërcënimeve nga Beogradi, nuk kishte pranuar ta drejtonte ekipin e Malit të Zi ndaj “Dardanëve”, me ç’rast ishte shkarkuar nga kjo pozitë nga Federata Malazeze e Futbollit.

E Ivanic, i cili është pjesë e Crvena Zvezdës, është treguar diplomat kur është pyetur për ndeshjen e famshme kundër Kosovës, në të cilën malazezët barazuan 1:1 në Podgoricë.

“Vendim i Crvena Zvezdës është të mos flas gjëra të ndjeshme. Nuk dua të flas se përse vendosa të mos luaja kundër Kosovës”, është shprehur ish-mesfushori i Vojvodinës dhe BATE Borisovit.

Ivanic i ka zhvilluar 15 ndeshje për Malin e Zi dhe e ka realizuar një gol.

Ai kishte shënuar në miqësoren e vitit të kaluar kundër Turqisë në Podgoricë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...