Futbollisti shqiptar do të nisë një aventurë të re në karrierën e tij.
Liridon Latifi nuk është më lojtar i skuadrës Puscas Academy, pasi ka vendosur të transferohet në Moldavi te ekipi i Sheriff Tiraspol.
Prishtinasi ka qenë pjesë e skuadrës hungareze për dy vite, por nuk ka arritur ta gjente veten në këtë ekip, prandaj do të provojë një eksperiencë të re në Moldavi.
“FC Sheriff i dëshiron mirëseardhje Liridon Latifit dhe urojmë që me të arrijmë vetëm fitore”, thuhet në komunikatën e klubit.
Latifi ka luajtur fillimisht me Prishtinën në Super Ligën e Kosovës, kurse më pas ishte transferuar te Skënderbeu në Shqipëri. Ai ka debutuar edhe me kombëtaren e Shqipërisë në vitin 2017, në ndeshjen kualifikuese për Kampionatin Botëror ndaj Italisë.